Reglur

Reglur um veitingu verðlaunanna.

Reglur IMFR um veitingu silfur- og bronsverðlaun til nýsveina fyrir afburða vel útfært sveinsprófsverkefni (útdráttur): Sveinsprófsnefndir löggiltra iðngreina gera tillögu um verðlaunahafa.
Sveinspróf skal hafa farið fram á árinu áður en hátíðin fer fram, þ.e. tilnefningar til verðlaunanna á nýsveinahátíð 2024 ná til prófa sem haldin eru 2023.
Sveinsprófsnefnd fyllir út upplýsingar á heimasíðu IMFR undir flipanum tilnefningar, skráir nafn, kennitölu, heimilisfang, símanúmer og netfang sveins og meistara, um iðngrein, skóla og lýsingu sveinsstykkis.

Tilnefningin skal berast IMFR í síðasta lagi 15. desember.

Verðlaunahafi fær heiðursskjal ásamt heiðurspeningi, silfur eða brons.
Heiðursskjalið er undirritað af forseta Íslands og stjórn IMFR.

Sveini, aðstandendum hans, meistara, prófnefnd og stjórnum meistara- og sveinafélags er boðið formlega til nýsveinahátíðarinnar.

Hver sveinsprófsnefnd getur útnefnt tvo nemendur til silfurs- eða bronsverðlauna.
Dæmi: Einn til silfurs og einn brons, eða tvo til silfurs eða tvo til brons.
Með öðrum orðum,  alls tvær tilnefningar frá hverri iðngrein.