Nýsveinahátíð 2024

Laugardaginn 3. febrúar 2024 fer Nýsveinahátíð IMFR fram í þingsölum hótels Natura (Loftleiðahótelið) og hefst hún kl. 14.00.

Alls verður 20 nýsveinum, sem staðið hafa sig afbragðsvel í sínu fagi 2023, veitt silfur- eða bronsverðlaun.

Iðnaðarmaður ársins 2024 verður einnig heiðraður auk þess sem afhent verður viðurkenning frá Nemastofu atvinnulífsins, líkt og gert var í fyrra.

Verndari hátíðarinnar, hr. Guðni Th. Jóhannesson, ásamt ráðherrum mennta- og iðnaðar þeim Áslaugu Örnu Sigurbjörnsdóttur og Ásmundi Einari Daðasyni heiðra samkomuna.  

Hátíðinni verður streymt hér.